Cynnyrch Terfynol
Papur
Dyma amlinelliad byr i’r prosesau sy’n cael eu defnyddio:
- Un ai mae’r ffatri’n sicrhau bod eu holl bapur yn glir o halogwyr fel clipiau papur a styfflau neu mae’n rhaid iddyn nhw defnyddio sgriniau ar ôl rhan 2 o’r broses i gael gwared â’r fath halogwyr.
- Mae’r papur yn cael ei socian mewn dŵr a’i ysgwyd i ryddhau’r ffibrau, gan eu troi’n ôl i bwlp.
- Mae’r inc yn cael ei dynnu oddi yno – neu fe fyddai’n cael ei wasgaru i mewn i’r pwlp a’r canlyniad fyddai papur llwyd pŵl. Mae yna ddau ddull: unai trwy ychwanegu cemegolion sy’n gwahanu’r inc oddi wrth y pwlp, ac yna mae’r inc yn cael ei olchi i ffwrdd gan lawer o ddŵr (sydd rhan amlaf yn cael ei ailddefnyddio); neu mae aer yn cael ei basio trwy’r pwlp gan gynhyrchu ewyn sy’n gallu dal o leiaf hanner yr inc, ac sydd wedyn yn cael ei sgimio i ffwrdd. Weithiau mae pwlp hefyd yn cael ei gannu trwy ddefnyddio hydrogen perocsid neu glorin, er mai’r cyntaf mae’n debyg yw’r mwyaf derbyniol gan ei fod yn chwalu’n ddŵr ac ocsigen wrth iddo gael ei waredu, o’i gymharu â chlorin sy’n gallu cyfuno â defnydd organig i gynhyrchu llygryddion gwenwynig.
- Mae cemegolion gorffennu yn cael eu hychwanegu ac mae’r pwlp wedyn yn gallu cael ei wasgu’n ddalenni a’i sychu, neu ei gymysgu â phwlp newydd.
Er bod y broses di-incio yn defnyddio dŵr a chemegolion amrywiol, mae’r cemegolion a’r mesur a ddefnyddir lawer llai nag wrth gynhyrchu papur o’r newydd.
Ffaith Ddiddorol: Ni ellir ailgylchu pwlp yn ddiddiwedd gan bod ffibrau coeden byrhau bob tro maen nhw’n cael eu pwlpio. Mae’n bosibl y gellir ailgylchu’r ffibrau rhwng pedair a chwe gwaith cyn iddyn nhw ymddatod a cholli eu nodweddion gwneud papur. Mae pwlp wedi ailgylchu a pheth newydd yn aml yn cael eu cymysgu mewn amrywiol gyfraneddau gan ddibynnu ar ansawdd y papur gaiff ei gynhyrchu.
Cynnyrch Terfynol:
- papur newyddion
- papurau newydd
- llyfrau teliffon
- papur argraffydd
- cardiau cyfarch
- pecynnu
- tywelion papur
- papur toiled
- cewynnau
- ac yn y blaen...
Ychwanegwch eich sylw
Dim ond defnyddwyr sydd wedi cofrestru sy’n cael rhoi sylwadau ar y wefan hon. Logiwch i mewn neu cofrestrwch. Logiwch i mewn Neu Cofrestrwch
