Astudiaethau Achos
Julie
dydd Mercher 1 Tachwedd
“Julie ydw i, rydw i’n 32, yn fam sengl â dwy ferch fach, Jenny, sy’n 9 ac Alex, sy’n 13. Rydw i’n byw yn Grangetown. Mae’r merched bob amser yn sôn am achub y blaned, petaech chi’n gwrando arnyn nhw fe fyddech yn meddwl eu bod am wneud hynny ar eu pen eu hunain. Maen nhw’n gofyn i mi am ailgylchu drwy’r amser.
“Fel mam sengl, mewn tŷ dwy ystafell wely, yn gweithio llawn amser ac oriau ychwanegol i fyw, allwn i ddim eu hateb nhw; fe fyddwn i’n newid y pwnc neu droi’n grac. Roeddwn i bob amser yn meddwl ‘mae’r gegin yn rhy fach o lawer ac rydw i’n llawer rhy brysur i ddechrau ar y busnes ailgylchu yma”.
“Roeddwn i’n dychmygu gorfod gwneud tomenni o gannoedd o ganiau, poteli a phapur am wythnosau ac yna’u llwytho i gyd i mewn i’r car a mynd â nhw i ganolfan. Doedd gen i ddim o’r amser na’r amynedd.”
“Yna un diwrnod roeddwn i draw yn nhŷ mam un o ffrindiau Jenny yn cael coffi ac fe ddwedodd hi wrtha i am roi pethau mewn bagiau gwyrdd a pha mor hawdd yw gwneud hynny. Fe roddodd hi fagiau gwyrdd i mi, felly fe roddais dro arni. Fe roddais i’n holl ganiau, potiau iogwrt a photeli yn y bagiau gwyrdd a phopeth arall yn y bin fel arfer. Roeddwn i wedi synnu faint o sbwriel a allai gael ei ddefnyddio eto, roedd yr hen fin yn araf iawn yn llenwi. Doedd hyn ddim yn drafferth chwaith.
“Roedd y merched mor hapus ac roedden nhw’n dweud wrth bawb ein bod yn achub y blaned ac rydw i’n teimlo’n wirioneddol da am y peth. Rydw i hyd yn oed yn rhoi fy sbwriel yn y biniau ailgylchu cywir yn y dre er nad oeddwn wedi meddwl am y fath beth o’r blaen.”
Ychwanegwch eich sylw
Dim ond defnyddwyr sydd wedi cofrestru sy’n cael rhoi sylwadau ar y wefan hon. Logiwch i mewn neu cofrestrwch. Logiwch i mewn Neu Cofrestrwch
